இனி ஒரு விதி செய்வோம்...

Test

2011-03-08T21:58:00.001+05:30

Test

என்று முடியும் இந்த நாடோடி வாழ்க்கை...

2010-05-25T19:15:00.000+05:30

படிக்க ஒரு ஊர்...
வேலைக்கு என்று பல ஊர்...

எத்தனை ஊர்கள் கண்டு களித்தாலும்
சொந்த ஊரின் பாதுகாப்பு கிடைக்குமா ...
எத்தனை வித உணவுகள் கிடைத்தாலும்
அம்மா செய்யும் வத்தைக்குழம்புக்கு ஈடாகுமா ...
எத்தனை நண்பர்கள் வாய்த்தாலும்
சிறுவயதில் பூத்த நட்புபோல் வருமா ...
எத்தனை வசதிகள் வந்தாலும்
பெற்றோருடன் இருத்தல் போல் ஆகுமா ...

என்று முடியும் இந்த நாடோடி வாழ்க்கை...

எங்கள் ஊர் திருவிழா…

2010-01-03T00:33:00.001+05:30

எங்கள் ஊர் இராமநாதபுரம் மாவட்டத்தில் உள்ள பரமக்குடி. பெருமையா சொல்லிக்கணும்னா திரு. கமல்ஹாசனின் சொந்த ஊர். மதுரையில் கள்ளழகர் வைகை ஆற்றில் இறங்கும் வைபவம் ஆண்டுதோரும் சிறப்பாக நடைபெறுவது அனைவரும் அறிந்ததே. எங்கள் ஊரும் வைகை ஆற்றுப்படுகையில் இருப்பதாலும், வைகை ஆற்றங்கரையில் பெருமாள் கோவில் இருப்பதாலும் அந்த வைபவம் இங்கும் ஆண்டு தோறும் சிறப்பாக நடைபெறும். மதுரையம்பதி நகரம் ஆகி விட்டதால், சில நடைமுறை சிக்கல்களால் அவர்கள் செய்யாமல் விடும் சுவாரிசியமான சில சம்பிரதாயங்களை எங்கள் ஊர் திருவிழாவில் காண முடியும். அதில் முக்கியமானது, பெருமாள் கோவிலை விட்டு வெளியேரும் காட்சி. அதை சொற்களால் வர்ணிக்க இயலாது. அதனால் அந்த video-வை உங்களுடன் பகிர்ந்துள்ளேன். கண்டு மகிழுங்கள்… ஆடி வரார், ஓடி வரார், அழகழகாய் நடந்து வரார்…

இனிய புத்தாண்டு நல்வாழ்த்துகள்

2009-12-31T23:00:00.000+05:30

இன்னும் சிறிது நேரத்தில் 2010 ஆண்டு தொடங்கப் போகிறது.

இந்தப் பதிவின் மூலம் என் நண்பர்களுக்கு புத்தாண்டு வாழ்த்துகளை தெரிவித்துக் கொள்கிறேன்.

இந்த புத்தாண்டில் அனைவர் வாழ்விலும் மகிழ்ச்சி பொங்கட்டும்.

நன்றி.

Expense Organizer v2.0

2009-12-31T22:15:00.000+05:30

சில பக் (bug) சரி செய்யப்பட்டு இந்த மென்பொருளின் மறுபதிப்பை வெளியிட்டுள்ளேன். நண்பர்கள் உபயோகப்படுத்திவிட்டு தங்கள் கருத்துகளை தெரிவிக்கவும்.

Download Expense_Organizer_v2_0

உங்கள் செலவுகளை ஆரய ஒரு இலவச மென்பொருள்

2009-12-09T21:14:00.000+05:30

நாம் சம்பாதிக்கும் பணத்தை நல்ல வகையில் செலவு செய்வதும், நமக்கு வருமானம் ஏற்படுத்திக் கொடுக்கும் சிறந்த முதலீட்டு முறைகளில் முதலீடு செய்வதும் நிறைய நண்பர்கள் செய்ய நினைக்கும் செயல். என்னைப் பொருத்தவரை, நாம் செலவு செய்யும் செலவினங்களை எழுதி வைப்பதின் மூலம் தேவையற்ற செலவுகளை நாம் குறைக்கலாம். மென்பொருள் துறையில் இருந்து கொண்டு இதை மிகவும் எளிதான முறையில் செய்ய விளைந்ததின் பயனே இந்த Expense Organizer v1.0 மென்பொருள். நண்பர்கள் இதை உபயோகப்படுத்தி தங்கள் கருத்துகளை இங்கே சொல்லவும்

இந்த கோப்பை பதிவிறக்கம் செய்ய இங்கே சொடுக்கவும்.

Download Expense_Organizer_ver_1_0

பணத்திற்கு மரணம் உண்டு, அனுபவத்திற்கு அல்ல

2009-11-26T21:21:00.001+05:30

பணத்திற்கு மரணம் உண்டு, அனுபவத்திற்கு அல்ல.

நீங்கள் உங்கள் வாழ்நாள் முழுதும் படிக்க ஆன தொகை எவ்வளவு என்று உங்களால் கணக்கில் கொள்ள இயலாது.

ஆனால், உங்கள் வாழ்நாளில் பள்ளியிலும் கல்லூரியிலும் செலவிட்ட நிமிடங்களை திரும்ப உங்கள் நினைவுகளில் அசை போட முடியும்.

இன்னும் சில காலங்களுக்குப் பிறகு நீங்கள் செலவு செய்த மருத்துவ செலவுகளை மறந்து விடுவீர்கள்,

ஆனால் அதன் மூலம் உங்களுக்கு புதிதாகக் கிடைத்த உறவுகளூடன் நிங்கள் கொண்டாட போகும் நேரங்களை மறக்க மாட்டீர்கள்.

உங்கள் தேன் நிலவுக்கான செலவுகள் நினைவில் இல்லை என்றாலும்

அதன் மூலம் கிடைத்த அந்த காதல் நிச்சயம் உங்கள் நினைவில் இருந்து நீங்காதவை.

இப்படி எத்தனையோ அனுபவங்கள் உங்கள் வாழ்க்கையை சிறப்பிக்க இருக்கும் பொழுது பணத்திற்கு அதிக மதிப்பு கொடுக்க நினைக்க வேண்டாம்.

கவிதை

2009-07-08T22:13:00.001+05:30

எங்கோ, எதிலோ படித்து...

மயில் தோகை விரித்தால்தான் மழை வருமா ?

என்னவள் கண் இமைத்தாலே போதுமே !!!

அழகுதான் !!!

அவள் போட்ட கோலத்தை விட

அதை சுற்றி இருந்த அவளின் பாத சுவடுகள்.

காலம்...

2009-07-08T21:30:00.001+05:30

ஆயிற்று இன்றோடு 5 வருடங்களும் சில நாள்களும் எங்களது கல்லூரி வாழ்க்கை முடிந்து. ஒவ்வொரு முறை ஊருக்கு செல்லும் போதும் எனது அறையில் ஒட்டி வைத்த கீழ்கண்ட ஆங்கில கவிதையை பார்க்கக்கூடும். அதில் எங்கள் கல்லூரி வாழ்க்கை ஆரம்பித்த நாளும், முடித்த நாளும் எழுதி வைத்திருப்பேன். இந்த கவிதையை படிக்கும் ஒவ்வொரு முறையும், எனது கல்லூரி வாழ்க்கை என் மனக்கண் முன் நிழலாடும். இதை படிக்கும் பொழுது நிச்சயம் உங்களின் மனதில் நீங்கள் கடந்து வந்த பாதையை திரும்பிப் பார்ப்பீர்கள்.

இதோ உங்களுக்காக அந்த கவிதை.

Time does not wait for you or me

Days pass and years pass

You lose your loved ones

You move away from your loved ones

You move to different places

Your life changes , your friends change, attitude changes

Society changes !!

But your heart has those

Precious moments etched in it

Whether you want it or not, it is there !

Making you happy at times

Sad at times and making you even more painful at times

Your heart has those moments in that corner where no one can see

What is it, they ask seeing your blank face

And you just smile, saying , “Nothing”

கதை நாயகர்கள்

2009-06-20T20:36:00.001+05:30

ஓரு கதை, நாவல் படிக்கும் பொழுது நிச்சயமாக எல்லோரும் அதில் வரும் கதாபாத்திரங்களை எந்த நடிகர்களோடவாது ஒப்பிட்டு அந்த கதையை படிப்பதுண்டு. பொன்னியின் செல்வன் படிக்கும் பொழுது அதில் வரும் சில முக்கிய கதாபாத்திரங்களை நமது நடிகர்களோடு ஒப்பிட்டு பார்த்ததில் சிலவற்றை உங்களுடன் பகிர்ந்துள்ளேன்.

வல்லவராயன் வந்தியதேவன் - கமல்

அருள்மொழிவர்மர் - சிவகுமார்

குந்தவை - லட்சுமி (ராஜராஜ சோழன் படத்தால்)

வானதி - தேவிகா

பெரிய பழுவேட்டயர் - ரங்காராவ்

நந்தினி - ?

இங்கே என்னால் பழைய நடிகர்களையே குறிப்பிட முடிந்தது. அதற்க்காக இப்போதுள்ள நடிகர்களில் திறமையானவர்கள் இல்லாமல் இல்லை. இப்பொழுது வரலாறுகளை மைய்யமாக வைத்து திரைப்படங்கள் வருவதில்லை என்பதே.

பொன்னியின் செல்வன் - நிச்சயம் படிக்கவேண்டிய ஒரு புத்தகம்

2009-06-20T16:19:00.001+05:30

பொன்னியின் செல்வன் புத்தகத்தைப் பற்றி விமர்சனம் எழுதும் அளவிற்கு எனது எழுத்தறிவும் தமிழறிவும் உயர்ந்து விடவில்லை. அதனால் அதில் உள்ள நிறை குறைகளையோ, அந்த புத்தகத்தின் விமர்சனத்தை பற்றியோ பேச போவதில்லை (இப்படி சொல்லித்தான் தப்பிக்கணும்). பின்னே எதப்பத்தி பேச போரனு கேக்குறிங்களா. சொல்றேன்..

ஓரு பத்து திருக்குறளை நாம் படிக்க ஏக பிரயத்தனம் செய்ய வேண்டி இருக்கிறது. ஆனால் வரலாற்று நிகழ்வுகளை உள்ளடக்கிய இந்த புதினத்தை , அதுவும் சுமார் 5 பெரும் பகுதிகளையுடைய புத்தகத்தை படிக்க நம்மை தூண்டியது எது? நிச்சயமாக எந்த பகுதியிலும் குன்றாத அதன் சுவரிசயம் தான். புத்தகம் நெடுகிலும் நம்மை கதாபாத்திரங்களோடு உலாவ விட்டிருப்பது பெரும் ஆச்சர்யமான விஷயம்தான். ஒவ்வொரு கதா பாத்திரங்களையும் கண்முன் நிறுத்தி அவர்களை உருவகப்படுத்தி இந்த கதையை படிக்கும் பொழுது நம்மை சோழர்காலத்திற்க்கே கொண்டு செல்லகிறார் திரு கல்கி அவர்கள்.

இந்த புதினத்தை நமக்கு கொடுத்த திரு கல்கி அவரிகளுக்கு எனது கோடான கோடி வணக்கங்களை சமர்ப்பிக்கிறேன்.

இந்த பதிவை படிக்கும் எனது நண்பர்கள் அனைவருக்கும் இந்த புத்தகத்தை படிக்குமாறு பரிந்துரைக்கிறேன். அனைவரும் நிச்சயம் படிக்க வேண்டிய புத்தகம்.

டிஸ்கி:

இந்த பதிவை எழுதும் பொழுது சென்னை-ராமேஸ்வரம் செல்லும் ரயிலில் பிரயாணம் செய்து கொண்டிருந்தேன். பதிவு எழுதி முடித்ததும் திரு கல்கி எழுதிய சிவகாமியின் சபதம் புத்தகத்தின் 3-ம் பாகத்தை படிக்க அந்த புத்தகத்தை என் அருகில் வைத்து இருந்தேன். அதை எடுத்துப் பார்த்த சக பிரயாணிகள்(50 வயதை தாண்டியவர்கள்) சம்பாசித்தது “இந்த புத்தகத்தை எடுத்துப் படிச்சா சீக்கிரம் தூக்கம் வரும்” என்று. பாவம் அவர்களுக்கு தெரியவில்லை படிப்பவருடய தூக்கத்தையும் மறக்கச் செய்யும் புத்தகம் இவைகள் என்று.

மூன்று விரல்

2009-05-17T13:35:00.001+05:30

மூன்று விரல் புத்தகத்தை படிக்க ஆரம்பித்த 5 நாளில் முடித்து விட்டாலும் இன்று தான் இந்த புத்தகத்தை பற்றி எழுத முடிந்தது.

மென்பொருள் தொழில் சார்ந்தவர்களைப் பற்றி சாதாரண மொழி நடையில் எழுதியிருப்பது படிப்பதற்கு மிகவும் எளிதாக இருந்தது. திரு. சுஜாதா அவர்களைப் போல கதாபாத்திரங்கள் நேரிலும், மனதிலும் பேசும் மறுமொழிகள் அருமை. சுதர்சன் (கதாநாயகன்) அல்லாமல், ராஜேந்திரன், சந்தியா, புஷ்பா, ராவ் போன்ற கதாபாத்திரங்கள் மனதில் நிற்கின்றன.

கதையின் முடிவு கடைசி ஒரு சில அதியாயங்களில் மாறியது எதிர்பாராதது.

இந்த நாவல், திரு. இரா.முருகன் அவரிகளின் இதர படைப்புகளை தேடவைத்தது. இதன் தொடர்ச்சியாக அரசூர் வம்சம், 40- இரட்டை தெரு என்ற இரண்டு நாவல்களையும் வாங்கி விட்டேன்.

படித்து முடித்ததும் என்னுடைய கருத்துகளை பரிமாரிக் கொள்கிறேன்.

டிஸ்கி:

முன்று விரல் புத்தகத்தைப் பற்றி வலைப்பூ நண்பர்கள் எழுதிய கருத்துக்களை படித்த பின் இந்த புத்தகத்தை வாங்கி படித்தேன். நல்ல புத்தகங்களை பரிந்துரைக்கும் நண்பர்களுக்கு மிக்க நன்றி.

ஆமா, அதென்ன மூன்றுவிரல் அப்படீன்னு கேக்குரவங்களுக்கு,

Ctrl + Alt + Del - இதை இயக்க மூன்று விரல் தேவை படுகிறது. இதற்கு மேலும் விவரம் தெரிய வேண்டுமானால் கதையை படிங்கப்பா !!!

சர்வம் - திரைப்பட அனுபவம்

2009-05-17T12:56:00.001+05:30

முதல் பாதி,

காக்க காக்க படத்திற்குப் பிறகு காதலை இத்தனை அழகாக காட்ட முடியுமா என்று வியந்த படம். காதலில் எந்த வித விரசமும் இல்லாமல், அழகான, பார்ப்பவர் மனதை லேசாக்குகிறது. ஆர்யாவுக்கும் திரிஷாவுக்கும் காதல் கெமிஸ்ட்ரி நன்றாகவே ஒத்துப் போகிறது.

இரண்டாம் பாதி

முதல் பாதியின் மூலம் ஏற்பட்ட எதிர்பார்ப்பை நிறைவு செய்யவில்லை. மூணாறை மிகவும் அழகாக காட்டியிருக்கிறார்கள்.

மொத்தத்தில் படம் நன்றாகவே இருந்தது. நம்பி பார்க்கலாம்.

டிஸ்கி: குத்துப்பாட்டையும், பறக்கும் சண்டை காட்சிகளையும் விரும்பும் ரசிகர்களுக்கு சற்றும் ஒத்து வராத படம்.

SMS கவிதை - உண்மையான நட்பு

2009-04-21T09:10:00.001+05:30

காரணம் இல்லமால் கலைந்து போக

இது கனவு இல்லை

காரணம் சொல்லி பிரிந்து போக

இது காதல் இல்லை

உயிர் உள்ளவரை தொடரும்

உண்மையான நட்பு

மூன்று விரல் - புத்தகம்

2009-04-21T08:36:00.001+05:30

”மென்பொருள் துறை சார்ந்து தமிழில் வெளியாகும் முதல் நாவல்” என்ற அடைப்புக்குள் இருக்கும் வார்த்தையை பார்த்தவுடன் இந்த நாவலில் அப்படி என்ன தான் நான் இருக்கும் துறையை பற்றி எழுத்தாளர் சொல்லியிருக்கிறார் என்று அறிந்து கொள்ள நினைத்தேன். பின்பு இந்த புத்தகத்தை பற்றி சக வலைப்பூ நண்பர்கள் அளித்த விமர்சனங்களை(எழுத்தாளரை திரு.சுஜாதா அவர்களின் வாரிசு என்று குறிப்பிட்டுருந்தது) படித்த பின் இந்த புத்தகத்தை படிக்க மேலும் ஆர்வம் அதிகரித்தது.

நேற்று இந்த புத்தகத்தை வாங்கி படிக்க ஆரம்பித்துவிட்டேன். வெகு சீக்கிரத்திலேயே படித்து முடித்து விடுவேன் என்று தோன்றுகிறது.

கூடிய விரைவில் இந்த புத்தகத்தை பற்றி எழுதுகிறேன்.

ஆனந்த தாண்டவம்

2009-04-17T21:09:00.001+05:30

பொருளாதார மந்த நிலை காரணமாக சில அநாவசிய செலவுகளை தவிர்த்துக் கொண்டிருக்கும் இவ்வேளையிலும் நல்ல படங்களையும், எதிர் பார்ப்புகள் அதிகம் நிறைந்த படங்களையும் நான் சென்னை சத்யம் திரை அரங்கில் சென்று பார்ப்பதுண்டு. நல்ல படங்களை நல்ல சூழலில் நல்ல quality-ல் பார்க்க வேண்டும் என்ற காரணமேயாகும்.

சுஜாதா அவர்களின் கதை என்ற ஒரு காரணத்துக்காக சமீபத்தில் வெளியான ஆனந்த தாண்டவம் படத்தை பார்க்க சென்னை சத்யம் திரை அரங்கிற்க்கு சென்றேன்.

நான் மட்டும் அல்ல, அங்கு வந்திருந்த அனைவரும் அதே காரணத்திற்க்காக வந்திருந்தார்கள் என்பது புலப்பட்டது.

சரி படம் பத்தி சொல்லனும்னா, ஒரு நாவலை ஒரு பக்கம் விட்டு ஒரு பக்கம் படித்தது போன்ற உணர்வு. படம் நம்மை எங்கே கொண்டு செல்கிறது என்று கடைசி வரை புரியவில்லை.

ஹீரோவிற்கு எப்போது நடிப்பு வரும் என்று எதிர் பார்த்து ஏமாந்ததுதான் மிச்சம்.

படம் பார்த்து விட்டு திரும்பி வரும் போது என் மனசாட்சி சொன்னது “உன் வாழ்க்கையிலே நூறு ரூபாயும், மூன்று மணி நேரமும் இப்படி வேஸ்ட் பண்ணிடியேடா, பாவி !!!”

மறந்து விடாதே...

2009-04-17T20:29:00.001+05:30

என்னை மறக்க வேண்டும் என்று

நினைக்கும் ஒவ்வொரு நிமிடமும்

என்னைத்தான் நினைக்கிறாய் என்பதை

மறந்து விடாதே...

பொன்னியின் செல்வன்

2009-04-14T12:46:00.001+05:30

நான் இப்போது படித்துக் கொண்டிருக்கும் தமிழ் புத்தகம் - அமரர் கல்கி எழுதிய பொன்னியின் செல்வன்.

அவர் எழுதிய பார்த்திபன் கனவு புத்தகத்தை படித்து முடித்த பின் அவர் எழுத்துக்களின் மீது கொண்ட ஆர்வத்தினால் இப்போது இந்த புத்தகத்தை படித்துக் கொண்டிருக்கிறேன்.

இந்த புத்தகம் 5 பாகங்களை கொண்ட ஒரு பெரிய படைப்பாகும்.

பார்த்திபன் கனவு படிப்பதற்கு முன் இந்த புத்தகத்தை வாங்கி விட்டபடியால், முதலில் இந்த புத்தகத்தை படிக்க ஆரம்பித்தேன். முதல் பாகம் படிக்கும் பொழுது இதன் மீது அவ்வளவாக ஆர்வம் எனக்கு ஏற்படவில்லை. சிரிய புத்தகங்களேயே படித்து பழக்கப்பட்ட எனக்கு இப்பெரும் படைப்பை படிக்க சற்று சோம்பேரித்தனமாகத்தான் இருந்தது. அதனால் நான் படிக்க ஆரம்பித்த முதல் நான்கு நாட்களிலே என் ஆர்வம் குறைந்து படிப்பதை பாதியிலேயே விட்டு விட்டேன்.

பார்த்திபன் கனவு புத்தகம் சிரியதாக இருந்ததால், அதை என்னால் சுலபமாக படிக்க முடிந்தது. கல்கி அவர்களின் எழுத்துக்களை படிக்கும் பொழுது என்னை அறியாமலேயே வரலாறுகளின் மீது எனக்கு மிக்க ஆர்வம் ஏற்பட தொடங்கியது.

இப்போது அந்த ஆர்வத்தின் தொடர்ச்சியாக பொன்னியின் செல்வன் வரலாற்றுப்புதினத்தை படித்துக் கொண்டிருக்கிறேன். (இந்த பதிப்பை எழுதும் போது நான் நான்காம் பாகத்தின் இறுதியில் இருக்கிறேன்). கதைக் கள அமைப்பும் அவர் விவரிக்கும் பாங்கும் மிகவும் நேர்த்தியாக இருக்கிறது. நண்பர்களுக்கு நேரமிருந்தால் இந்த புத்தகத்தை வாங்கி படிக்கவும்.

பொன்னியின்_செல்வன்

49 O என்னும் பிரம்மாஸ்திரம்...

2009-04-13T19:32:00.001+05:30

கடந்த மூன்று வாரங்களாக திரு. ஞானி அவர்கள், தன்னுடய ஓ பக்கங்களில் வலியுறுத்தி வரும் 49 ஓ என்னும் வேட்பாளர் நிராகரிப்பு ஓட்டை வாக்கு சாவடிகளில் எப்படி பதிவு வேண்டும் என்பதைப் பற்றிய பதிவு.

”வாக்குச் சாவடிக்குச் சென்றதும் நம் பெயர் பட்டியலில் இருக்கிறதா என்று சரிபார்த்துவிட்டு, வாக்குச் சாவடி அதிகாரி, நம்மிடம் ஒரு நோட்டில் கையெழுத்து வாங்குவார். பிறகு அடுத்த அதிகாரி நம் விரலில் மை வைப்பார். மை வைத்த உடன், நாம் எந்த வேட்பாளருக்கும் வாக்களிக்க விரும்பவில்லை; 49 ஓ பதிவு செய்ய விரும்புகிறேன் என்று சொல்லவேண்டும். உடனே முதலில் நாம் கையெழுத்திட்ட அதே நோட்டில், அந்தக் கையெழுத்தின் பக்கத்திலேயே 49 ஓ என்று எழுதி இன்னொரு முறை நாம் கையெழுத்திட வேண்டும். இதுதான் 49 ஓவைப் பதிவு செய்யும் முறை.

இதைச் செய்யக் கூடாது என்று நம்மை யாரும் & சாவடி அதிகாரி முதல் கட்சிப் பிரதிநிதிகள் வரை தடுக்க முடியாது. அதற்கு அவர்கள் யாருக்கும் உரிமை இல்லை. தடுத்தால் போலீசை அழைக்கலாம். நரேஷ் குப்தாவுக்கு அங்கிருந்தே ஃபோன் செய்யலாம்.

தனியே போய் சாவடியில் பகிரங்கமாக 49 ஓ பதிவு செய்ய தயக்கமாக இருக்கிறதா? கவலை வேண்டாம். உங்கள் வாக்குச் சாவடியில் 49ஓ பதிவு செய்ய விரும்பும் இதர நண்பர்கள் சேர்ந்து ஒரு இடத்தில் சந்தித்து ஒன்றாகப் போய் வரிசையில் நின்று 49 ஓ பதிவு செய்யுங்கள்.”

தேர்தலில் நிற்க்கும் வேட்பாளர்கள் மீது நம்பிக்கை இல்லாதவர்கள், தயவு செய்து வீட்டிலேயே முடங்கி இருக்காமல், தவறாமல் 49 ஓ பதிவு செய்யும்படி கேட்டுக் கொள்கிறேன்.

மிக்க நன்றி - திரு. ஞானி அவர்கள் அவர்களுக்கு.

இதைப் பற்றி மேலும் அறிந்து கொள்ள

http://www.gnani.net/

நான் கடவுள்

2009-02-19T22:40:00.000+05:30

சென்ற வாரம் நான் கடவுள் சென்று பார்க்க நேர்ந்தது.

படம் பார்த்து விட்டு வெளியில் வரும் பொழுது என் மனதில் மேலோங்கி இருந்தது இது ஒன்றுதான்.

அந்த ஆண்டவன் கூட தவறு செய்கின்றான்,

உடல் ஊனமுற்ற குழந்தைகளை படைப்பதன் மூலம்....

படம் நன்றாக உள்ளது. நிச்சயம் அனைவரும் பார்க்க வேண்டிய படம்.

இந்தியன் ரயில்வேயின் TTE

2008-11-13T00:23:00.001+05:30

இங்கே நான் சொல்ல இருப்பது, எனது நண்பனுக்கு ரயிலில் பயணிக்கும் பொழுது ஏற்பட்ட காமெடி கலந்த கசப்பான அனுபவம்.

அந்த அனுபவத்தை கூறும் முன் இந்திய ரயில்வேயில் புதிதாக அறிமுகப்படுத்தப்பட்ட ஒரு விதியை இங்கு நான் சுட்டிக்காட்ட விளைகிறேன்.

இங்கு கீழே கொடுத்திருப்பது முன்பு இருந்த விதி.

இந்த விதிப்படி டிக்கெட் எடுத்தவர், பரிசோதகரிடம் தன்னிடம் உள்ள அடையாள அட்டையை (டிக்கெட் பதிவு செய்யும் பொழுது குறிப்பிட்டது) காண்பித்து இரயிலில் அனுமதி பெற வேண்டும்.

இப்போது இந்த விதி சற்று தளர்த்தப்பட்டு உள்ளது. இப்பொழுதுள்ள விதிப்படி டிக்கெட் பதிவு செய்யும் பொழுது நாம் எந்த வித அடையாள அட்டையையும் குறிப்பிட தேவையுமில்லை. மேலும், இரயிலில் டிக்கெட் பரிசோதகரிடம் அப்போது நம்மிடம் உள்ள ஏதாவது ஒரு அடையாள அட்டையை (அசல்) காண்பித்தால் போதுமானது.

இப்போது என் நண்பனுக்கும், இந்திய இரயில்வேயின் பரிசோதகருக்கும் நடந்த சுவையான அனுபவம்.

நண்பன்: (டிக்கெட்டை மற்றும் பான் அட்டையை பரிசோதகரிடம் கொடுக்க...)

பரிசோதகர்: என்ன டிக்கெட்ல எந்த அடையாள அட்டை எண்ணையும் அச்சிடப்படவில்லை. எங்கே இதை எடுத்தீங்க ? (பக்கத்தில் இருப்பவரிடமிருந்து இருந்து ஒரு E-Ticket யை வாங்கி) இத பாருங்க இந்த டிக்கெட்ல எல்லாம் இருக்கு.

நண்பன்: (பக்கத்தில் இருப்பவரிடம்) சார் இதை எப்போ ப்ரிண்ட் எடுத்திங்கன்னு தெரிஞ்சிக்கலாமா ?

பயணிப்பவர்: மூன்று மாதத்திற்கு முன்பு

நண்பன்: (பரிசோதகரிடம்) சார் நான் நேற்றுதான் இதை ப்ரிண்ட் எடுத்தேன். இந்த விதி ஒரு மாதத்திற்கு முன்பே மாற்றப்பட்டு விட்டது. அதனால் தான் எந்த அடையாள அட்டை எண்ணையும் அச்சிடப்படவில்லை. அதுவும் இல்லாமல் இதிலேயே சொல்லிருக்கே, எந்த அடையாள அட்டையும் காட்டலாம் என்று.

பரிசோதகர்: அதெல்லாம் எங்களுக்கு தெரியாது சார், நீங்கதான் சரியா எடுத்து வந்திருக்கனும். நான் நினைத்தா உங்களை அடுத்த நிறுத்தத்துல இறக்கி விட முடியும். ஒழுங்கா அடுத்த தடவை வரும் பொழுது சரியா எடுத்து வாங்க.

நண்பன்: சரி சார் (விதியை நொந்து கொண்டு). அடுத்த தடவை வரும் பொழுது சரியா கொண்டு வரேன் (எப்படி என்று தெரியாமல்).

------------------------------------------------------------------------------------------------------

இந்த நிகழ்ச்சியை என் நண்பன் சொல்லும் பொழுது என்னுள் எழுந்த சில கேள்விகள்,

1. சாதரண மக்களுக்கு பத்திரிக்கை மூலம் புதிய விதிகளை அறிவிக்கும் இந்திய இரயில்வே, தங்களின் ஊழியர்களுக்கு இதை அறிவிக்காமலா இருக்கும் ?

2. டிக்கெட்டிலேயே விதிகள் பட்டியலிட்டு காட்டியும் TTE சில நேரங்களில் ஒத்துக் கொள்ளாதது ஏன் ?

3. பிரயாணிகளிடம் சில TTEகள் கனிவாக பேசாதது ஏன் ?

4. விதிகளை சொல்லிக் கொடுக்க வேண்டியவரே, விதிகளை தெரிந்து கொள்ளாமல் இருப்பது ஏன் ?

சிவப்பு விளக்கு : Danger Light

2008-11-11T22:26:00.002+05:30

சாலையில் பயணித்துக்கொண்டிருக்கும் பொழுது மிக இயல்பாக நாம் கவனிக்கும் விசயம் முன் செல்லும் வண்டிகளில் அவர்கள் ப்ரேக் போடும் பொழுது எரியும் சிவப்பு விளக்குகள். நமது வண்டியின் வேகத்தை குறைக்க சொல்லி அந்த சிவப்பு விளக்குகள் அறிவுருத்துகின்றன. இந்த விளக்குகள் சரியான முறையில் வேலை செய்யாவிடில் போக்குவரத்துக் காவலர்களுக்கு அபராதம் விதிக்க உரிமை உண்டு.

ஆனால், இந்த சென்னை மாநகரின் போக்குவரத்தின் முக்கிய பங்காக அமையும் நமது அரசு பேருந்துகள் இந்த விளக்குகளை சரியான முறையில் இயங்காத வண்ணம் பேருந்துகளை பராமறிக்கின்றன. அதனால் அதன் பின் செல்லும் வாகனங்கள், அரசு பேருந்துகள் எந்த நேரத்தில் நிற்க்கும், எந்த நேரத்தில் ப்ரேக் போடும் என்று தெரியாமல் தங்கள் உயிரை பணயம் வைத்து பிரயாணிக்க வேண்டி உள்ளது. இதை காவலர்கள் கண்டும் காணாமல் இருப்பது வேதனைக்குரியது.

இது சிறு குறை என்றாலும் இதனால் ஏற்படும் இழப்புகளோ ஈடு செய்ய முடியாதவை. கண்டு கொள்ளுமா தமிழ்நாடு பேருந்து கழகம். ????

என்று தணியும் இந்த மின்சார தாகம்...

2008-10-20T23:13:00.001+05:30

அந்த் செய்தியை கேட்டு மிகவும் மனம் நொந்து போனேன்.

600 யுனிட்டுக்கு மேல் மின்சாரம் உபயோகித்தால் 50% அதிகமாக மின்சார கட்டணம் செலுத்த வேண்டுமாம். 600 யுனிட் என்பது ஒரு வீட்டிற்கு மிகவும் அதிகமான பயன்பாடுதான் ஆனால் அதற்கு 50% அபராதம் என்பது மிக மிக அதிகமான அபராத தொகையாகும்.

இப்படி பட்ட அபராதத்தை விதிக்கும் முன் நமது முதல்வர் சிறிது நேரம் யோசிக்க வேண்டாமா ? அல்லது மின்சாரத்தை சிக்கனமாக பயன் படுத்துவதற்கு அவர் ஒரு எடுத்துக்காட்டாக இருக்க வேண்டாமா ?

அவர் தலைமை தாங்கும் விழாக்களுக்கு செலவாகும் மின்சாரத்தை சேமித்தாலே ஒரு சிறிய தொழிற்சாலைக்கு ஒரு நாளூக்கு தேவையான மின்சாரத்தை எடுத்துவிடலாம்.

சென்னையில் எதனையோ மேம்பாலங்கள் கட்டபடுகின்றன, அதற்கெல்லாம் இரவில் திறப்பு விழா வைப்பதைவிட பகலில் வைக்கலாமே ?

திறப்பு விழாக்கள் வைக்காமல் இருந்தால் இன்னும் சிறப்பாக இருக்கும்.

அதே போல் இந்த மாதிரி பொது விழாக்களுக்கு செலவாகும் அதிகபடியான மின்சாரத்திற்கு அபராதம் விதிக்கலாமே.

நமது முதல்வரோ, மின்சார அமைச்சரோ இதைப் பற்றி கொஞ்சம் சிந்திப்பார்களா ???

நல்ல கூட்டணி.. (NHM Writer + Windows Writer)

2008-10-19T17:48:00.001+05:30

வலைப்பூ நண்பர்களுக்கு...

வலைப்பதிவு எழுதுவதை உற்சாக படுத்தும் விதமாக Microsoft ஒரு சிறந்த தொகுப்பை தன் Windows Live-ல் அறிமுக படுத்தியுள்ளது. அது தான் Windows Writer.

இதை பதிவிறக்கம் செய்ய - Windows Live Package

Windows Writer-ல் உங்கள் ப்ளாக்-ல் உள்ளது போல் அனைத்து வசதிகளும் இருக்கிறது. இதன் மூலம் நிங்கள் நேரடியாக உங்கள் பதிப்பை இணையத்தில் போட முடியும்.

அப்போ இந்த NHM Writer எதுக்கு ?

Windows Writer தொகுப்பை ஆங்கிலம் எழுத மட்டுமே பயன்படுத்த முடியும். NHM Writer தொகுப்பானது Microsoft Office-ல் தமிழில் எழுத பயன் படுத்தபடும் ஒரு மென்பொருளாகும். இதில் 5 வகையான தமிழ் எழுத்துருக்களை பயன் படுத்தமுடியும்.

இந்த மென்பொருளை உங்கள் கணிணியில் நிறுவும் பொழுது, உங்களால் Windows Writer-ல் தமிழில் எழுத முடியும்.

NHM Writer பதிவிறக்கம் செய்ய - NHM Writer

எதாச்சும் செய்யணும் சார்..

2008-10-06T23:43:00.010+05:30

சமிபத்தில் சன் டிவி யில் சிவப்பதிகாரம் படம் பார்க்க நேர்ந்தது. அந்த படத்தின் முடிவாக ஒரு கேள்வி ரசிகர்களாகிய நம்மிடம் கேட்க படும். அது தேர்தலில் நிற்க என்ன தகுதி வேண்டும் என்பதுதான்.

தற்போது தேர்தலில் நிற்க வயது மட்டுமே ஒரு தகுதியாக கருத படுகிறது என்று அந்த படத்தில் வரும் கதாநாயகன் சொல்வார். தேர்தலில் நிற்க வயது சரியாக இருந்தால் மட்டும் போதுமா ??? (அவரின் மீது எந்த விதமான கிரிமினல் கேஸ்கள் இருக்க கூடாது என்றும் ஒரு சட்டம் இருக்கிறது.)

இந்த தகுதிகள் மட்டும் ஒரு மக்கள் பிரதிநிதிக்கு போதுமா எனபதே என் கேள்வி ? அந்த படத்தில் சொல்வது போல் சில சட்டங்களை ஏன் கொண்டு வரமுடியாது ???

அந்த படத்தில் சொல்லப்படும், நடை முறை சிக்கல் இல்லாத சில வழிகள் என நான் கருதுபவை

ஒவ்வொரு தேர்தல் வாக்கு சீட்டிலும் அசோக சக்கரத்தை ஒரு பொது சின்னமாக வைக்க வேண்டும். அந்த சின்னத்திற்கு அதிக வாக்குகள் விழுந்தால், அந்த மாவட்டத்தின் கலெக்டர் அவர்களே மக்கள் பிரதிநிதியாக தேர்தெடுக்க பட வேண்டும்.
MLA ஆகா வேண்டும் என்றால், இரண்டு முறை நகராச்சி தேர்தலில் வெற்றி பெற்றிருக்க வேண்டும், இரண்டு முறை MLA ஆக இருந்தால் மந்திரி ஆகலாம். இரண்டு முறை மந்திரி ஆக இருந்தால் மட்டுமே முதல் மந்திரி ஆக தகுதி பெறுவார்
ஒருவர் இரண்டு முறைக்கு மேல் முதல் மந்திரி ஆக முடியாது
தேர்தலில் நிற்க TNPSC தேர்வில் நல்ல மதிப்பேன் எடுக்க வேண்டும்
ஒட்டு போடுவதை கட்டாயமாக்குதல்

இப்படி போன்ற நல்ல சட்டங்களை நம்மால் வெகு சுலபமாக கொண்டு வர முடியும். ஆனால் நமது அரியணையில் இருப்பவர்கள் தம்மை பாதிப்பது போன்ற எந்த ஒரு சட்டத்தையும் இயற்ற மாட்டார்கள்.

இது போன்ற சட்டங்களை கொண்டு வர நாம எதாச்சும் செய்யனும் சார்...

பி.கு

நடைமுறை படுத்தக்கூடிய நல்ல தேர்தல் விதிமுறைகளை உங்கள் பின்னூட்டத்தில் சொல்லலாம்

இது போன்ற சட்டங்கள் நடைமுறை படுத்தபட்டால், வடிவேல் போன்றவர்கள் தங்கள் தனிமனிதவிருப்பு வெறுப்புகளுக்கு எல்லாம் தேர்தலில் நின்று ஜெய்பேன் என்று சபதம் விட முடியாதல்லவா ???

எல்லாந்தழுவியவர்களாக நாம் ஆக வேண்டும் - ஸ்ரீ அரவிந்தர்!

2008-09-20T00:38:00.001+05:30

நமது வழி பூரணத்தை அடையும் வழியாக இருக்கட்டும், விட்டுவிட்டு ஓடிவிடும் வழியாக இருக்க வேண்டாம்; போரில் வெற்றி பெறுதல் நமது நோக்கமாக இருக்கட்டும், எல்லாப் போராட்டத்திலிருந்தும் தப்பிச் செல்லுதலாக இருக்க வேண்டாம்.

யோகத்தின் மூலம் நாம் பொய்மையிலிருந்து உண்மைக்கும், பலவீனத்திலிருந்து சக்திக்கும், துன்பம் துயரத்திலிருந்து பேரின்பத்திற்கும், அடிமைத்தனத்திலிருந்து சுதந்திரத்திற்கும், மரணத்திலிருந்து அமர நிலைக்கும், இருளிலிருந்து ஒளிக்கும், குழப்பத்திலிருந்து தெளிவிற்கும், அபூரணத்திலிருந்து பூரணத்திற்கும், பிரிவிலிருந்து ஐக்கியத்திற்கும் உயராம்.

இறைவன் எப்படிப் பூரணனாக இருக்கிறானோ அப்படியே நாமும் பூரணமடைதல், அவன் எப்படித் தூயோனாக இருக்கிறானோ அப்படியே நாமும் தூய்மையாதல், அவன் எப்படி ஆனந்தமயமாக இருக்கிறானோ அப்படியே நாமும் ஆனந்தமயமாதல்; அதன்மேல், நாம் பூரணயோகச் சித்தர்கள் ஆனபோது மனித இனம் முழுவதுமே அந்த நிலையை அடையும்படி செய்தல் - இதுவே நமது குறிக்கோள் ஆகும்.

இப்பொழுது நாம் நமது இலட்சிய நிலைக்குக் குறைந்தவர்களாக இருந்தபோதிலும், அந்த முயற்சிக்கு நம்மை முழுமனதோடு கொடுத்துவிட்டால், எப்பொழுதும் அந்தக் குறிக்கோளுடனேயே, அதற்காகவே வாழ்ந்து அந்தப் பாதையில் இரண்டு அங்குலம் முன் சென்றால் அது போதும். அதுகூட மனித இனம் அது இப்போது வாழும் போராட்ட நிலையிலும் மங்கல் ஒளியிலிருந்து இறைவன் நமக்காகத் திட்டமிட்டுள்ள ஒளி பொருந்திய இன்ப நிலைக்கு அதனை இட்டுச்செல்ல உதவும். ஆனால் நமது உடனடி வெற்றி எதுவாக இருந்தபோதிலும் பிரயாணம் முழுவதையும் முடிப்பதே நமது மாறாத குறிக்கோளாக இருக்க வேண்டும், போகும் பாதையிலுள்ள அரைகுறையான ஓய்விடத்தில் திருப்தியோடு படுத்துவிடக்கூடாது.

உலகிலிருந்து முற்றிலுமாக நம்மை விலக்கிக்கொண்டு போகும் எல்லா யோகமும் தெய்வீகத் தவத்தின் உயர்வான, ஆனால் குறுகிய தனித்துறை வளர்ச்சியாகும். பூரணனாகிய இறைவன் தனது பூரணத்தில் எல்லவற்றையும் அனைத்துக்கொள்கிறான்; நாமும் எல்லாந்தழுவியவர்களாக ஆகவேண்டும்.

உன் எதிர்காலம் உன் கையில்! சுவாமி விவேகானந்தர்

2008-08-26T23:56:00.003+05:30

சுவாமி விவேகானந்தர் கூறியவைகளை, உன் எதிர்காலம் உன் கையில் என்ற புத்தகமாகத் தொகுத்து ஸ்ரீராமகிருஷ்ண மடம் வெளியிட்டுள்ளது.

நமது நோக்கம்

இயைபுடன் முன்னேறிய மனிதனைப் பார்க்கவே நாம் விரும்புகிறோம்.

அவன் விசாலமான இதயம், பரந்த மனம், உயர்ந்த செயல் இவற்றைப் படைத்திருக்க வேண்டும்.

உலகத்தின் துயரையும் துன்பத்தையும் தீவிரமாக உணரும் இதயம் படைத்தவனே நமக்குத் தேவை. அத்துடன் நிற்காமல், அந்த உணர்ச்சியையும் அறிவையும் செயலாக்குபவனே நமக்கு மிகவும் வேண்டப்படுபவன்.

மூளை, இதயம், செயல் இவை ஒருங்கிணைந்து செயல்படுவதே தேவை.

நம்மை மேம்படுத்துவதன் முக்கியத்துவம்

நம்மைச் சுற்றி நடப்பதை நீங்கள் காண்கிறீர்கள். அனைத்தின் மீதும் ஆதிக்கம் செலுத்தும் ஒன்றாக உள்ளது உலகம். நமது சக்தியில் ஒரு பாகம் நமது சொந்த உடலைப் பாதுகாப்பதற்குச் செலவாகிறது. இதைத் தவிர ஒவ்வொரு சிறு பகுதியும் அல்லும் பகலும் பிறர்மீது ஆதிக்கம் செலுத்தவே பயன்படுகின்றன.

நமது உடல்கள், நமது குணங்கள், நமது அறிவு, நமது ஆன்மீகம் எல்லாமே இடைவிடாமல் பிறர் மீது ஆதிக்கம் செலுத்திக் கொண்டிருக்கின்றன. அதைப் போல் நாமும் அவற்றின் ஆதிக்கத்திற்கு உள்ளாகி வருகிறோம். இது நம்மைச் சுற்றி எஙகும் நிகழ்ந்து கொண்டே இருக்கிறது.

இப்போது உதாரணம் ஒன்றை எடுத்துக் கொள்வோம். ஒருவர் வருகிறார். அவர் நன்கு கற்றவர் என்பது உங்களுக்குத் தெரியும். அவரது மொழி நடை அழகாக உள்ளத. அவர் ஒரு மணி நேரம் உங்களுடன் பேசுகிறார். ஆனால் சொன்னதில் பெரிதாக எதுவும் உங்கள் மனதில் பதியவில்லை.

இன்னொருவர் வருகிறார். ஒரு சில வார்த்தைகளே பேசுகிறார். அவை நன்றாக ஒழுங்குப்படுத்தப்படவும் இல்லை. ஒரு வேளை இலக்கணப் பிழைகளும் அதில் காணப்படும். ஆனால் அவர் சொன்னது பேரளவிற்கு உங்கள் மனதை ஆக்கிரமிக்கிறது.

உங்களுக்குள் பலரும் இதை அனுபவித்திருப்பீர்கள். எனவே ஒரு போதும் வார்த்தைகள் மட்டுமே மனத்தின் பதிவை உண்டாக்கி விடுவதில்லை..

என்பது வெளிப்படை. வார்த்தைகள், ஏன், எண்ணங்கள் கூட ஒரு பதிவை உண்டு பண்ணுவதற்கு மூன்றிலொரு பங்கு சக்தியை மட்டுமே அளிக்கின்றன, மனிதனே மற்ற இரண்டு பங்கை அளிக்கிறான். மனிதனின் கவரும் ஆற்றல் என்று நீங்கள் குறிப்பிடுகின்ற அந்தச் சக்தியே வெளியேறி உங்களிடம் பதிவை உண்டாக்குகிறது.

நமது குடும்பங்களில் தலைவர்கள் உள்ளனர். அவர்களுள் சிலர் வெற்றி பெறுகின்றனர். சிலர் பெறுவதில்லை. ஏன்? நாம் தோல்வியுறும்போது பிறரைக் குறை கூறுகிறோம். நாம் வெற்றி பெறாத அந்தக் கணமே, நமது தோல்விக்குக் காரணம் இவர்தான் என்று ஒருவரைக் காட்டிவிடுகிறோம்.

தோல்வியுறுகின்ற யாரும் தனது சொந்தக் குற்றங்களையும் பலவீனங்களையும் ஒப்புக் கொள்ள விரும்புவதில்லை. தன்னைக் குற்றம் அற்றவனாகக் கருதவும், குற்றத்தைப் பிறர் மீதோ, பிற பொருளின் மீதோ, ஏன் துரதிர்ஷ்டத்தின் மீதாவது சுமத்தவுமே ஒவ்வொருவனும் முயல்கிறான். குடும்பத் தலைவர்கள் தவறும்போது, சிலர் குடும்பத்தை நன்றாக நடத்துவதற்கும் பிறர் அவ்வாறு நடத்தாததற்கும் காரணம் என்ன என்பதைத் தங்களுக்குள் கேட்டுக் கொள்ள வேண்டும். வேறுபாட்டிற்குக் காரணம் மனிதனே, அவனது குணச்சிறப்பே, அவனது ஆளுமையே என்பதை அப்போது காண்பீர்கள்.

மனிதகுலத்தின் பெரிய தலைவர்களைக் கவனித்தால், அவர்களின் ஆளுமையே அவர்களைத் தலைவர்கள் ஆக்கியது என்பதையே எப்போதும் காண்போம். கடந்த காலத்தின் எல்லா நூலாசிரியர்களையும் சிந்தனையாளர்களையும் எண்ணிப் பார்ப்போம்.

உண்மையைச் சொல்வதானால், அப்படி எத்தனை எண்ணங்களைத்தான் அவர்கள் எண்ணிவிட்டார்கள்? கடந்த காலத்திலிருந்து மக்கள் குலத் தலைவர்கள் நமக்கு விட்டுச் சென்ற நூல்கள் அனைத்தையும் பாருங்கள்.

அவர்கள் எழுதிய புத்தகங்கள் ஒவ்வொன்றையும் மதிப்பிடுங்கள். இன்று வரை உலகில் நினைக்கப்பட்டுள்ள, புதிய, சொந்தமான உண்மைக் கருத்துக்கள் கையளவு மட்டுமே. அவர்கள் நமக்கு விட்டுச் சென்ற எண்ணங்களை அவர்களுடைய நூல்களில் படியுங்கள். அந்த நூலாசிரியர்கள் நமக்கு மாபெரும் மக்களெனத் தோன்றுவதில்லை. எனினும் அவர்கள் தங்கள் காலங்களில் சிறந்தவர்களாக இருந்தார்கள் என்பதை நாம் அறிவோம்.

அவர்களை அவ்வாறு ஆக்கியது எது?

அவர்கள் சிந்தித்த எண்ணங்களோ, அவர்கள் எழுதிய நூல்களோ, அவர்கள் செய்த சொற்பொழிவுகளோ மட்டும் அல்ல, அப்போது இருந்து, இப்போது மறைந்துவீட்ட வேறு ஏதே ஒன்று, அதாவத, அவர்களது ஆளுமை. நான் முன்பு கூறியது போல், அவர்களின் ஆளுமை மூன்றில் இரண்டு பங்கு, அவர்களின் அறிவும் வார்த்தைகளும் ஒரு பங்கு. உண்மை மனிதன் அதாவது அவர்களின் ஆளுமையே நம்மை ஆக்கிரமிக்கிறது. நம் செயல்கள் விளைவுகள் மட்டுமே. மனிதன் உள்ளபோது செயல்கள் வந்தேயாக வேண்டும். விளைவு, காரணத்தைப் பின் தொடர்ந்தே தீரும்.

கல்வி, பயிற்சி இவை அனைத்தின் லட்சியமும் இந்த மனிதனை உருவாக்குவதாகவே இருக்க வேண்டும். ஆனால் அதற்குப் பதிலாக நாம் வெறும் மேற்பூச்சு பூசி அழகுபடுத்த முயன்று வருகிறோம். அகத்தே ஒன்றும் இல்லாத போது புறத்தை அழகுபடுத்துவதால் என்ன பயன்? எல்லா பயிற்சிகளின் பயனும் நோக்கமும் மனிதனை வளரச் செய்வதே. தன் சகோதர மக்கள் மீது ஆதிக்கம் செலுத்துபவன், அவர்கள் மீது மாய வலையை வீசியது போன்று அவர்களைக் கவர்பவன் ஆற்றலின் ஒரு சுரங்கமாகிறான். அத்தகையவன் தயாராகும்போது, விரும்புகின்ற எதையும் அவனால் செய்ய முடியும். அவனது ஆளுமையின் ஆதிக்கம், எதன் மீது செலுத்தப்பட்டாலும் அதனைச் செயல்பட வல்லது ஆக்கும்.

நன்றி : ஸ்ரீராமகிருஷ்ண மடம், மயிலாப்பூர், சென்னை - 4.

ராபின் ஷர்மா

2008-08-24T22:52:00.003+05:30

ராபின் ஷர்மாவின் மெகா லிவிங் புத்தகத்திலிருந்து....

சாதிபவர்கள் சிலர், அதை வேடிக்கை பார்பவர்கள் பலர். என்ன நடந்தது? என்று கேட்டு தெரிந்து கொள்வார்கள் அறிவிலர்.
நீங்கள் சிலரா ? பலரா ? (அறிவிலரா என்று யோசிக்கவே யோசிக்காதிர்கள்)
இறந்த காலத்தின் வாட்ச் மேன்.. எதிர் காலத்தின் Engineer . நீங்கள் வாட்ச் மேனா engineer- ஆ
வெற்றியாளர்கள் தாங்கள் எதிர்கொள்ள வேண்டிய சவால்களை அவர்களே தீர்மானிக்கும் வல்லமை உள்ளவர்களாக இருப்பார்கள்.
எந்த ஒரு பிரச்சனையும் ஆனந்தமாக அனுபவித்து தீர்வு காணுங்கள். ஒவ்வொரு சவாலும் அடுத்த சாதனைக்கான சாவி என்பதை மறக்க வேண்டாம்
உங்களையே நீங்கள் வெற்றி கொள்ள வேண்டும். உங்களுக்கும் இருக்கும் வெற்றிதான் உங்களை சுற்றியும் பிரதிபலிக்கும்
உங்கள் விருபங்களுக்கு எஜமானாக இருங்கள். உங்கள் மனசாட்சிக்கு பணியாளாக இருங்கள்.
இன்று நிறைவாக செயல் படுபவர்கள், நாளை நிறையவே மகிழ்ச்சியாக இருப்பார்கள்.
நாம் சந்தோசமாக இருப்பதால் சிரிப்பதில்லை, சிரிக்கவே சந்தோசமாக இருக்கிறோம்.

நட்பு

2008-08-24T11:57:00.000+05:30

வானத்தின் சொந்தங்கள் வின் மீன்கள்
மலரின் சொந்தங்கள் வண்டுகள்...
காற்றின் சொந்தங்கள் தென்றல்...
நட்பின் சொந்தங்கள்
நல்ல நினைவுகள்...!!!

அவள்...

2008-08-23T15:58:00.002+05:30

அவளை நினைத்தேன்...
கவிதையும் வரவில்லை..
தூக்கமும் வரவில்லை...

இனிமையான நிமிடங்கள்...

2008-07-24T22:17:00.002+05:30

வாழ்கையில் சிறந்த சில நிமிடங்கள்

முதல் மாத சம்பளத்தை பத்திரமாக பெற்றோரிடம் கொடுக்கும் அந்த நிமிடம்
தோற்ற காதலையும், காதலியையும் எண்ணி கண் கலங்கும் சில நிமிடம்
பழைய நினைவுகளை ஞாபகப்படுத்தும் புகை படங்களை பார்த்து சிரிக்கும் நிமிடங்கள்
என்றும் பசுமையான நமது பள்ளி மற்றும் கல்லூரி கனா காலங்களை நினைவு கூறும் நிமிடங்கள்
நண்பர்களுடன், நம்மை மறந்து கலந்துரையாடும் இனிய நிமிடங்கள்
நாம் வேண்டும் பொழுது பழைய துணிகளில் கிடைக்கும் சில ரூபாய் நோட்டுகள்
காதலியின் கை கோர்த்து நடக்கும் நிமிடங்கள்
நம் நலன் கருதும் நண்பரிடமிருந்து கிடைக்கும் சின்ன கட்டிபுடி வைத்யம்
தன்னுடைய முதல் குழந்தைக்கு கொடுக்கும் முதல் முத்தம்
மனம் விட்டு சிரிக்கும் பொழுது கண்களில் ஒரம் தோன்றும் கண்ணீர் துளி.
தினமும் பார்க்கும் விஷயங்களை, திடீரென்று ரசித்து பார்க்கும் அந்த நிமிடம் !!!

அறிவியலாளர்கள்

2008-07-09T23:13:00.017+05:30

அலெக்சாண்டர் கிரகாம் பெல்

அலெக்ஸாண்டர் க்ரஹாம் பெல் ( Alexander Graham Bell, மார்ச் 3, 1847 - ஆகஸ்ட் 2, 1922) ஓர் ஆசிரியராகவும், அறிவியல் அறிஞராகவும் அறியப்படுகிறார். இவரதுதாயாரும் மனைவியும் செவிடராதலினால் இவரது ஆய்விற்கு இது ஓர்உந்துசக்தியாக அமைந்திருக்கலாம். இவரது ஆய்வுகள் ஊடாக 1876 ஆம் ஆண்டுதொலைபேசி உருவாக்கப்பட்டது. இவர் பெல் தொலைபேசி நிறுவனத்தின்நிறுவனரும் ஆவார். அலெக்சாண்டர் பெல் எடின்பேர்க், ஸ்கொட்லாந்தில் 3 மார்ச் 1847 ஆம் ஆண்டு பிறந்தார்

அல்பர்ட் ஐன்ஸ்டீன்

அல்பர்ட் ஐன்ஸ்டீன் ( Albert Einstein, மார்ச் 14, 1879 - ஏப்ரல் 18, 1955) குறிப்பிடத்தக்க பயன்பாட்டுக் கணிதத் திறமைகள் கொண்ட, ஒரு கோட்பாட்டு இயற்பியல் அறிஞர் ஆவார். இருபதாம் நூற்றாண்டின் மிக முக்கியமான அறிவியலாளராகப் பொதுவாகக் கருதப்படுகிறார். இவர் புகழ்பெற்ற சார்புக் கோட்பாட்டை ( Relativity theory) முன்வைத்ததுடன், குவாண்டம் பொறிமுறை (quantum mechanics), புள்ளியியற் பொறிமுறை (statistical mechanics) மற்றும் அண்டவியல் ஆகிய துறைகளிலும் குறிப்பிடத்தக்க பங்களிப்புகளைச் செய்துள்ளார். ஒளி மின் விளைவைக் ( Photo electric effect ) கண்டுபிடித்து விளக்கியமைக்காகவும், கோட்பாட்டு இயற்பியலில் ( Theoretical physics ) அவர் செய்த சேவைக்காகவும், 1921ல் இவருக்குப் இயற்பியலுக்கான நோபல் பரிசு வழங்கப்பட்டது.

தற்காலத்தில் பொதுப் பயன்பாட்டில் ஐன்ஸ்டீன் என்ற சொல், அதிக புத்திக்கூர்மையுள்ள ஒருவரைக் குறிக்கும் சொல்லாக மாறிவிட்டது. 1999 ல், புதிய ஆயிரவாண்டைக் குறித்து வெளியிடப்பட்ட ரைம் ( இதழ் ), "இந்த நூற்றாண்டின் சிறந்த மனிதர்" என்ற பெயரை ஐன்ஸ்டீனுக்கு வழங்கியது.

உபயம்: விக்கிபீடியா

2. நான் மாட கூடல் எனும் மதுரை

2008-07-09T21:33:00.015+05:30

இந்தியாவில் உள்ள மிக பெரிய கோவில்களுள் ஒன்று மதுரை மீனாக்ஷி சுந்தரேஸ்வரர் கோவில். இது குலசேகர பாண்டியனால் கட்டப்பட்டது. ஆனால் அது இயற்கை சீற்றங்களால் சற்று அழிவுபெற்றது.

இப்போதுள்ள கோவில் விஸ்வநாத நாயகரால் வடிவம் பெற்று திருமலை நாயகரால் கட்ட பெற்றது. இந்த கோவிலை நான் மாடக்கூடல் என்று சொல்வர். நான்கு திசைகளிலும் நான்கு கோபுரங்கள் இருப்பதால் இத்தளம் இப்பெயர் பெற்றது. நான்கு திசைகளிலும் கோபுரங்களை முதன்மையாக கொண்டு ஆடி, சித்திரை, மாசி மற்றும் வெளி வீதி என்று மதுரை அந்த காலத்திலே மிகவும் திட்டமிட்டு கட்டப்பட்டதாகும்.

மதுரை கோவிலில் சுமார் 3.3 கோடி சிற்பங்கள் உண்டு என்று கணகிடபட்டுள்ளது. இப்பொழுதுள்ள கோவில் திராவிட கலாச்சாரத்தை அடிபடையாக கொண்டு கட்டப்பட்டதாகும். இக்கோவிலில் இப்பொழுது 12 உள் கோபுரங்கள் மற்றும் 4
உயரமான கோபுரங்கள் உள்ளன. அதனுள் தெற்கு திசையில் உள்ள கோபுரம் மிகவும் உயரமானது. இது 49 மீட்டர் உயரம் உடையது.

இக்கோவிலுள்ள அஷ்ட ஷக்தி மண்டபத்தில் திருவிளையாடல் புராணமும், மீனாக்ஷி அம்மன் மதுரை இளவரசியாக இருந்த புராணமும் சிற்பங்களாக வடிக்க பட்டுள்ளன. பொற்றாமரை குளம் மீனாக்ஷி அம்மனின் இடது புறம் அமைந்துள்ளது. இந்த குளத்தில்தான் நம் முன்னோர்கள் தமிழ் செய்யுள்களை மதிப்பீடு செய்தனர்.

செய்யுள்கள் எழுதி முடித்த பின்னர் அவை இக்குளத்தில் போடப்படும். மூழ்கியபின் மேலே மிதக்கும் சுவடுகளை தமிழில் சிறந்தது என்று கருதுவர். உலக பொதுமறையாம் திருக்குறள் இவ்வாறு மதிப்பீடு செய்தது என்று ஒரு வரலாறும் இங்கு நிலவுகிறது.

கோவிலின் மேற்கில் ஊஞ்சல் மண்டபமும், கிளி கூட்டு மண்டபமும் அமைந்துள்ளன. கிளி கூட்டு மண்டப்பத்தில் கிளிகள் மீனாக்ஷி தாயின் பெயரை உட்சரித்து கொண்டிருக்கும். வெள்ளிதோறும் ஊஞ்சல் மண்டபத்தில் மீனாக்ஷி தேவியின் உற்சவ சிலையை வைத்து பூஜ்ஜிப்பர்.

இந்திரன் சொக்கநாதரை பூஜித்த கடம்ப மரத்தின் கன்று இக்கோவிலில் இப்பொழுது காணலாம். கோவிலின் வெளி புறத்தில் கம்பத்தடி மண்டபமும் வெள்ளி அம்பலமும் அமைந்துள்ளன. மீனாக்ஷி சுந்தரேஷ்வரரின் திருமண காட்சியை இந்த மண்டபத்தில் சிற்பமாக வடித்துள்ளனர். சிவபெருமான் நாட்டியமாடும் ஐந்து மண்டபங்களில் இந்த வெள்ளி அம்பலமும் ஒன்று. (மற்ற நான்கு மண்டபங்கள்: சிதம்பரம், திருவாலங்காடு, திருநெல்வேலி மற்றும் குற்றாலம்).

இங்கு உள்ள நடராஜர் சிலை மேலும் சிறப்பு பெற்றது. இங்குள்ள நடராஜர் சிலை
வலது காலை தூக்கி ஆடும் விதமாக அமைய பெற்றுள்ளதே இதன் சிறப்பு அம்சமாகும். மன்னன் ராஜசேகர பாண்டியனின் வேண்டுகோளுக்கிணங்க நடராஜர் இப்படி ஆடியதாக கூறப்படுகிறது. நடராஜர் சிலை வெள்ளியால் செய்ய பெற்றுள்ளதால் இதற்கு வெள்ளி அம்பலம் என்று பெயர் வந்தது.

இங்கு அமைந்துள்ள ஆயிரம் கால் மண்டபம் மேலும் சிறப்பு பெற்றதாகும். இது 16-ஆம் நூற்றாண்டில் கட்டப்பட்டது. இந்த மண்டபத்தின் வெளியில் இசை எழுப்பும் தூண்கள் அமயபெற்றுள்ளன. இதை தட்டும் பொழுது வெவ்வேறு விதமான இசைகளை எழுப்பும் வகையில் கட்டப்பட்டுள்ளது.

இங்கு அமைத்துள்ள முக்குறுணி விநாயகர் சிலை, கோவிலுக்கு மூன்று கிலோ மீட்டர் தொலைவில், திருமலை நாயகர் கோவிலுக்காக குளம் வெட்டுகையில் தோண்டி எடுக்க பட்டது. இன்றும் இக்குளம் தெப்பகுளம் என்ற பெயரில் அழைக்கப்படுகிறது.

இக்குளத்திற்கு என்று தனியாக விழாவும் நடக்கிறது. நான் மாட கூடலில் நாம் வியக்கும் வகையில் மேலும் சிறப்புகள் ஏராளமாக உள்ளன. அதை தொகுத்து அடுத்த பதிவில் வழங்குகிறேன்.

நன்றி

தொடரும்...

SMS கவிதைகள்

2008-07-08T21:57:00.009+05:30

எதாவது புதுசா எழுதலாம்னு யோசிச்சுக்கிடுருந்தப்போ, என்னோட செல் பேசிக்கு வந்த கவிதைகளை மொத்தம்மா தொகுத்து போடலாம்னு தோனுச்சு (சொந்த சரக்கு இல்லன இப்படி எல்லாம் தோணும்னு யாரோ சொல்றது காதுல விழுகுது).

இதோ SMS-ல் சுட்ட கவிதைகள் உங்கள் பார்வைக்கு...

விரும்பும் நெஞ்சம்
அருகில் இருந்தாலென்ன
தொலைவில் இருந்தாலென்ன
தொலையாத நினைவுகள் உள்ளவரை
தொலைவும் மிக அருகில் தான்

கருவறையை விட்டு
கீழே இறங்கி
கல்லறையை நோக்கி
நடந்து செல்லும் தூரம்தான்
வாழ்க்கை

அடி பெண்ணே
குப்பை தொட்டியும்
என்னை காதலித்திருக்கும்
நீ கிழித்துப் போட்ட
என் கவிதைகளை அது படித்திருந்தால்

பிரிந்து செல்பவர்கள்
மனதை புரிந்து கொள்வதில்லை
மனதை புரிந்து கொண்டவர்கள்
பிரிந்து செல்வது இல்லை

காதலியின் நினைவில். . .

2008-07-07T23:53:00.004+05:30

பாசம் என்று
நினைத்துதான் பழகினேன்
பிறகுதான் தெரிந்தது - நீ
என் சுவாசம் என்று.

கை சேராமல் நீ
காதல் கரை ஏறாமல் நான்
கரையும் கண்களுக்கு உன்
காதல் தந்த பரிசு,
விழிக்கும் வரையில் என்
விழிகளில் நீ.

மூடநம்பிக்கை

2008-07-07T23:39:00.002+05:30

உனது எதிர்கால சாதனையை
உன் கை ரேகையில் தேடாதே
கையில்லா மனிதர்களும்
சாதித்து கொண்டிருக்கிறார்கள்
இவ்வுலகில் !!!

முதியோர் இல்லம்

2008-07-05T14:58:00.004+05:30

இது ஒரு மனித காட்சி சாலை
இங்கே மிருகங்கள் வந்து விட்டு போகின்றன
மனிதர்களை பார்க்க !!!

வியக்க வைக்கும் அறிவியல் விஷயங்கள்

2008-06-30T00:25:00.003+05:30

நண்பர்களே,

இந்த உலகில் நம்மை அறியாமல் எத்தனையோ கோடிக்கணக்கான விஷயங்கள் நடந்து கொண்டிருக்கின்றன. அதில் ஒரு சிறு துளியாக நான் படித்து வியந்த விஷயங்கள் உங்கள் பார்வைக்கு.

பூமியில் இருந்து நம் கண்ணுக்கு தெரிகின்ற நட்சத்திரங்களில் அதிக தொலைவான நட்சத்திரம் அன்றோமேடா பால் வீதியில் அமைந்துள்ளது. அதன் தூரம் சுமார் 15 லட்சம் ஒளி ஆண்டுகள்
உலக மக்கள் இரண்டாவது அதிகமாக உபயோகப்படுத்தும் உலோகம் தாமிரம்
நமது கழுத்திலிருக்கும் அயோட் (Hyod) என்ற எழுப்பு துண்டு நமது உடலின் உள்ள மாற்ற எந்த எலும்பு பகுதியோடும் இணைப்பு இல்லாமல் அமைந்துள்ளது.
ஒரு துண்டு காகிதத்தை அதிகபட்சம் ஏழு முறை பாதியாக மடிக்கலாம் .
யானைகள் நின்று கொண்டே இறந்தால், அதன் உயிர் பிரிந்த பின்பும் அவை நின்று கொண்டே இருக்கும்
மிளகாய்க்கு எந்த வகை சுவையும் கிடையாது. அவற்றை சாப்பிடும் பொழுது ஏற்படும் நரம்பு எரிச்சலே அதன் சுவை
உலகில் ஆண்கள் இனத்தில் கடல் குதிரை மட்டுமே முட்டை இட்டு குஞ்சு பொரிக்கும்
ப்ளூ வேல் (Blue Whale) எனப்படும் ஒரு வகை கடல் மீனின் நாக்கு ஒரு யானையின் அளவுடையதாகும்.
யானையின் துதிக்கையில் ஒரு எலும்பு துண்டு கூட கிடையாது, ஆனால் அதன் துதிககை 4000 தசைகளால் ஆனது.
ஒட்டகத்திற்கு கண்ணில் மூன்று இமைகள் இருக்குமாம்.

தொடரும்...

கவிதைகள் ...

2008-06-30T00:17:00.001+05:30

தூறலும் இல்லை மழை சாரலும் இல்லை
ஆனால் நான் மட்டும் நனைந்து போகிறேன் ....
உன் அன்பின் சாரலில்
-------------------------------------------
உன் உள்ளம் நேசிப்பதை
மறந்து விடலாம்
ஆனால் உன்னை நேசித்த
உள்ளத்தை மட்டும்
உன்னால் மறக்க முடியாது
-------------------------------------------
பிரிவு என்பது யாராலும்
மறக்க முடியாத வலி...
நினைவு என்பது யாராலும்
திருட முடியாத பரிசு...
-------------------------------------------
அலைகள் எனது ஆசான்கள்
விழுந்து எழுவதால் அல்ல
ஒவ்வொரு முறை விழும் போதும்
தவறாமல் எழுவதால்
-------------------------------------------

சிரித்து வாழ வேண்டும்

2008-06-29T02:21:00.000+05:30

வடிவேல் : என் பொளப்புல மண்ண வாரி போட கெளம்பிட்டங்கய்யா !!!
நிருபர் : ஏன் என்ன ஆச்சு ?

வடிவேல் : ஆமாம் , விஜய் தம்பி இப்போல்லாம் action-ங்கற பேர்ல காமெடி பண்றார்
------------------------------------------------------------------------------
அப்பா : டேய் ஏன்டா எக்ஸாம் எழுத போகல ?
மகன் : கொஸ்டின் ரொம்ப கஷ்டமா இருக்குப்பா

அப்பா : அத எப்படி இங்கே இருந்துடே சொல்ற ?
மகன் : நேத்தே கொஸ்டின் அவுட் ஆயிடுச்சுப்பா
------------------------------------------------------------------------------
மந்திரி: என்ன அருமையான பாட்டு, ஏன் இத யாரும் இன்னும் ரீமிக்ஸ் பண்ணல ?
தொண்டன் : சும்மா இருங்க தலைவா இது தேசிய கீதம்
------------------------------------------------------------------------------

அம்மா என்றொரு கவிதை

2008-06-29T02:12:00.002+05:30

எனக்கு காய்ச்சல்
ஆனால் நெருப்பாய் கொதிக்கும்
அவள் மனசு !!!

1. தஞ்சை பெரிய கோவில் கோபுரம்

2008-06-29T00:39:00.001+05:30

வியக்க வைக்கும் கட்டிட கலை என்ற தலைப்பை முடிவு செய்ததுமே என் கண்முன் தோன்றிய முதல் கோவில் நமது தஞ்சை பெரிய கோவில்.

தஞ்சை பெரிய கோவிலின் சிறப்பு அம்சமே அதன் ஒற்றை கல் கோபுரமும், பெரிய கோவில் நந்தி என்று அனைவராலும் அழைக்கப்படும் தஞ்சை கோவில் நந்தியும்தான்.

தஞ்சைப் பெருவுடையார் கோயில் அல்லது பிருகதீசுவரர் கோயில் தஞ்சாவூரிலுள்ள இந்து சமயக் கோயிலும் உலகப் பாரம்பரியச் சின்னமும் ஆகும். இக்கோயில், 10 ஆம் நூற்றாண்டில், சோழப் பேரரசு அதன் உச்ச நிலையிலிருந்தபோது, இராஜராஜ சோழ மன்னனால் கட்டப்பட்டது.

தஞ்சை பெரிய கோவிலின் விமான கோபுரம் 216 அடி ஆகும். கூம்பு போன்ற வடிவமுடைய கோவில்களில் இதுவே உயரமான கட்டமைப்பு ஆகும்.
அந்த கூம்பு அமைப்பு சுமார் 81.25 டன் எடை உடையது ஆகும்.
இந்த ஒற்றை கல்லால் செய்யப்பட கோபுர கூம்பை எடுத்து செல்ல அந்த காலத்திலேயே நாலு மையில் நீளத்திற்கு சாரம் கட்டப்பட்டதாம். சாரம் ஆரம்பம் ஆனா ஊரை இன்றும் சாரங்கட்டி (அல்லது) சாரபள்ளம் என்று மக்கள் அழைகின்றனர். 81.25 டன் எடை கொண்ட அந்த கல்லை சாரத்தின்
மீது உருட்டி சென்று கோபுரத்தின் மேல் வைத்ததாக வரலாறு சொல்கிறது.

கோபுரத்தின் மீது இருக்கும் கலசம் 12.5 அடி உயரமுடயதகும். 9.25 எடையுள்ள செம்பாலான கலசத்தின் மீது சுமார் 800 கிராம் தங்கத்தால் முலாம் பூசபட்டுள்ளதாம்.

தஞ்சைப் பெரியகோவிலில் உள்ள நந்தி ஒரே கல்லால் செய்யப்பட்டது. இதன் உயரம் 14 மீ, நீளம் 7 மீ, அகலம் 3 மீ ஆகும். நந்தி மண்டபம் நாயக்கர் காலத்தில் கட்டப்பட்டதாக கூறப்படுகிறது.

தொடரும்...

வியக்க வைக்கும் கட்டிட கலை - கட்டுரை தொடர்

2008-06-29T00:36:00.003+05:30

உலகை வியக்க வைக்கும் கலைகளில் தமிழர்களின் கட்டிட கலையும் ஒன்று. அதனால் தான் இன்றும் வெளி நாட்டவர்கள் இந்திய மன்னர்களால் உருவாக்கப்பட்ட கோவில்களை காண பெருமளவில் இந்தியாவிற்கு வந்த வண்ணம் உள்ளனர்.

இப்படிப்பட்ட கோவில்களை கட்டும் போது எல்லோரையும் வியக்க வைக்கும் வகையிலும், கோவில்களை கட்டுபவரின் பெருமையை என்றும் பறை சார்ட்டும் விதமாகவும் இருக்க வேண்டும் என்பதற்காக நமது பண்டை கால மன்னர்கள் பல கட்டிட கலை யுக்திகளை கையாண்டு அரிய சில விஷயங்களை செய்து வைப்பார்.

அப்படி பட்ட விஷயங்கள் அந்த கோவிலின் பெருமையை மேலும் ஒரு படி உயர செய்யும். இது போன்ற விஷயங்களை ஒரு கட்டுரையாக தொகுக்கும் முயற்சியின் முதல் படி இந்த பதிவு.

கவிதைகள்

2008-06-28T01:52:00.000+05:30

பிரிவை தாங்க முடியவில்லை
தயவு செய்து பேசாதே
உதடுகள்....
-------------------------------------------

தவறு என்று தெரிந்தும்
தவிர்க்க முடியாமல் தவிக்கும்
இதயத்தின் ஆசை
காதல்
-------------------------------------------
பூக்கள் மலர்வது
உதிரதான் என்றால்
மொட்டாகவே இருக்கட்டும்
நமது நட்பு.
-------------------------------------------
என் காதலியின் கொலுசு
சத்தம் கேட்டுப் பிறந்த கவிதைகள்
அவளூடைய மெட்டி சத்தம்
கேட்டு இறந்தன !!!
-------------------------------------------

செல் பேசி

2008-06-23T01:04:00.000+05:30

நடிகர் வடிவேல் சொல்ற மாதிரி, நானும் ரவுடிதான்னு ஒரு ப்ளாக் ஆரம்பிச்சாச்சு.
ஆனா முதல் பதிப்ப, ப்ளாக் ஆரம்பிக்கிறதுக்கு எடுத்துக்கொண்ட மாதிரி நிறைய டைம் எடுத்துக்காம உடனே எழுதனும்னு நெனச்சு எழுத ஆரம்பிச்சேன்.

நாம எழுதுறது மத்தவங்களுக்கு உதவியாக இருக்கணும்ல, அதனால எனக்கு உருப்படியா தெரிஞ்ச விஷயத்த முதல்ல எழுதுறதுன்னு முடிவு பண்ணி எழுதிருக்கேன்.

நாம ஒரு செல் பேசி வாங்கனும்னு யோசிக்கும் போது, எந்த மாடல்வாங்கலாம்னு ஒரு பெரிய குழப்பமே ஏற்படும்.

என்னதான் பல கடைக்குள்ளே ஏறி ஏறங்குனாலும், நமக்கு அவங்க காட்டபோறதென்னவோ அழகா pack பண்ணி இருக்குற செல்பேசிகளைத்தான். ஆனாஅதை ஆன்-பண்ணி அதோட நிறை குறைகளை பற்றி அவர்கள் சொல்வதுரொம்ப கஷ்டம்.

ஆனா ஒவ்வொரு செல் பேசியும் மார்கெட்ல அறிமுகம் ஆகும் போது, அதைஅக்கு வேராக ஆணி வேராக அலசி அதோட நிறை குறைகளை சொல்ரதுகுன்னேசில வலை பக்கங்கள் இருக்கு, அதைத்தான் நான் இங்கே கொடுத்துருக்கேன்.

MOBILE REVIEW
GSM ARENA

இனிமே நீங்க புதுசா ஒரு செல் பேசி வாங்கும் போது, இந்த வலை பக்கங்களும்உங்களுக்கு உதவியாய் இருக்கும்-ன்னு நம்பிக்கையுடன் விடை பெறுகிறேன்.

முதல் வணக்கம்

2008-06-22T15:38:00.000+05:30

ப்ளாக் நண்பர்களுக்கு வணக்கம்,

இது வரை சும்மா வந்தோமா படிச்சோமா போனோமா ன்னு இருந்த நான், களத்துலஇறங்கி, எனக்கு தெரிஞ்ச சில விஷயங்கள், நான் பார்த்து, படித்து ரசிச்ச சிலவிஷயங்களை உங்களோட பகிர்ந்துகொள்ளலாம்னு (கொல்லாம இருந்த சரின்னு சொல்றது காதுல விழுகுது...) இந்த blog-a ஆரம்பிச்சிருக்கேன்.

இதற்கு அனைவரின் ஆதரவையும் வேண்டுகிறேன்,

நன்றியுடன்,
ராம்

குறிப்பு:-
நான் இந்த ப்ளாக் ஆரம்பிக்க காரணமாய் (Inspiration) இருந்த ப்ளாக் நண்பர்கள்,

வெட்டிப்பயல்
ஜொள்ளுப்பேட்டை
வருத்தப்படாத வாலிபர்கள் சங்கம்
நிலாரசிகன் கவிதைகள்...
யோசிங்க